Ljósmyndastúdíóið og vinnustofan mín er staðsett á Eiðistorgi Seltjarnarnesi á 3.hæð til vinstri eftir stigann við hliðina á hárgreiðslustofunni.

Bókanir eða fyrirspurningar :

gudrunsifolafs@gmail.com

s. 7788767

*Vinsamlegast sendu sms varðandi erindi ef ég svara ekki símanum
og þá hringi ég til baka.

Listaverk

  • Ég vinn öll listaverk í formi ljósmynda og prenta á hágæða ljósmyndapappír á stóran canon plotter með 12 lita bleki.

  • Í listsköpun minni vinn ég helst með náttúruna, jörðina, fólk, dýr, tilfinningar og lífið sjálft. Vinn mikið í seríum og bókagerð.

  • Ég tek glöð á móti óskum um verk í tengslum við sýningar, sviðslistir, tónlist eða í samstarfi við aðra listsköpun eða listamenn.

  • Ég hef selt handgerðar bækur og verk til einkaeigu, selt verk inn á hótelherbergi og skrifstofu, gefið verk inn á krabbameinsdeild Landspítalans og í anddyri Ljósmyndaskólans.

  • Ég var í útskriftarárgangi 2023 í Ljósmyndaskólanum og með verk á samsýningu með samnemendum mínum á Ljósmyndasafni Reykjavíkur, verið með bókverk á samsýningu í Gallerý Kannski og verið með ljósmyndaseríu á samsýningu í Kína. Ég fékk þann heiður að vera í hópi Finalists Blurring the Lines árið 2023 fyrir útskriftarverkið mitt Hugarangur.

  • Ég er opin fyrir allskonar hugmyndum svo endilega hafðu samband ef þú hefur eitthvað skemmtilegt í huga, hefur áhuga á að kaupa verk hjá mér eða vilt fá mig í sérstakt verkefni.

Verðskrá fyrir myndatökur 2025

Öll verð miðast við myndatökur í stúdíó, utandyra, í heimahúsi eða annarstaðar.

Verðskrá er til viðmiðunar og velkomið er að óska verðtilboða.

Myndir afhendast í vefgæðum.

Óski viðskiptavinur eftir prentgæðum leggst 15.000 kr. ofan á myndatökuverðið.

Ég býð einnig upp á prentun úr myndatökum eða bý til ljósmyndabækur, sjá prentverðskrá.

*ATH ef bóka á barnamyndatöku vinsamlegast hafið í huga að seinnipartinn eftir leikskóla eða skóla er yfirleitt ekki hentugur tími fyrir börnin þar sem þreyta er oft komin í mannskapinn á þeim tíma. Best er að panta tíma þann tíma dags þegar þið vitið að börnin eru vel stemmd. Einstaka helgarbókanir eru einnig í boði.

Passamyndataka 6.000 - 8.000 kr.

  • 1 Andlitsmynd

  • Myndir fyrir t.d. ökuskírteini, VISA umsóknir, starfsmannamyndir

  • Mynd afhent rafrænt og/eða 4 passamyndir útprentaðar


Portrait myndataka 45.000 kr

  • 8 myndir

  • 30 mínútur

  • Einstaklings myndataka

  • Myndir afhentar rafrænt í vefgæðum

  • Myndir fyrir t.d. ferilskrá, umsóknir, sérstök tilefni, annað


Meðgöngumyndataka 55.000 kr.

  • 15 myndir

  • 30-60 mínútur

  • Myndir afhentar rafrænt í vefgæðum

  • Ef fjölskyldan er með uppfærist myndatakan
    og verð upp í fjölskyldumyndatöku.


Nýburamyndataka 55.000 kr.

  • 15 myndir

  • 45-90 mínútur

  • Myndir afhentar rafrænt í vefgæðum

  • Myndataka í náttúrulegu umhverfi heima fyrir

Barna eða fjölskyldu myndataka 65.000 kr.

  • 20+ myndir

  • 30-60 mín

  • Myndir afhentar rafrænt í vefgæðum

  • Sama verð fyrir eitt barn, systkinahóp eða fjölskyldu allt að 5 manns

Viðburðir frá 65.000 kr. +

  • Verð fer eftir fjölda mynda, lengd og stærð viðburða

  • Hafðu samband um um óskir og umfang

Brúðkaup frá 70.000 kr. +

  • Hafðu samband, fáðu tilboð og spjöllum saman um allt sem skiptir máli fyrir stóra daginn, verð, umfang, myndafjölda, afhendingu á myndum, ljósmyndabók, óskir, væntingar og fleira mikilvægt. Við sníðum þetta alfarið eftir ykkar þörfum og verð er samkvæmt því.

Aðrar myndatökur

  • Vöruljósmyndun

  • Ferðaþjónusta

  • Starfsmannamyndir

  • Myndir fyrir auglýsingar

  • Myndir fyrir plötuumslög

  • Landslag/Náttúra

  • Myndvinnsla

  • Hafðu samband um óskir og verðtilboð

Prentverðskrá

Ég prenta á CANON 4100 PRO plotter með 12 lita bleki á hágæða ljósmyndapappír.

Lustre / Fine Art Paper

A4 (max 20x27cm) 3.000 / 5.000 kr.

A3 (max 29x39cm) 5.000 / 7.000 kr.

A3+ (max30x47cm) 6.000 / 8.000 kr.

A2 (max 41x57cm) 7.000 / 9.000 kr.

40x60cm 24” roll 11.000 kr.

50x70cm 24” roll 13.000 kr.

60x90cm 24” roll 15.000 kr.

70x100cm 44” roll 18.000 kr.

100x120cm 44” roll 22.000 kr.

*Ég rukka eftir pappírsstærðum og pappírsgerð sem þýðir að á A4,A3,A3+,A2 er hægt að raða eins mörgum myndum/stærðum og passa á blaðið.
Til dæmis á A4 passa 2stk af 13x18cm og á A3+ passa tvær myndir í fullri A4 stærð.
*Hafið samband ef óskað er eftir tilboði í fjöldaprentun eða sér stærðir.

Ljósmyndabók

Með myndum úr myndatöku eða með öðrum myndum viðskiptavinar.
Hafið samband um verðtilboð, fjölda og stærðir.
* Verð 30.000 kr. miðað við 20 myndir.

Smáa og mikilvæga letrið:

  • Ef þú hefur einhverjar aðrar óskir að myndatöku sem þú finnur ekki í verðskrá, sendu mér þá línu og ég gef þér tilboð.

  • Ekki er hægt að fá allar myndir úr myndatökunni né óunnar myndir.

  • Almennt miða ég við að skila af mér myndum 2 vikum eftir myndatöku.

  • Ég vel bestu myndirnar úr myndatökunum til að vinna en óski viðskiptavinur sérstaklega eftir því að fá að ráða hvaða myndir hann fær getur hann komið til mín í stúdíóið og við förum í gegnum myndirnar saman.

  • Myndir úr myndatökum afhendast rafrænt í vefgæðum.

  • Ég tek að mér prentun á myndum úr myndatökum, sjá prentverðskrá. Ég hef reynslu í að prenta myndir og prenta ljósmyndirnar á stóran plotter - canon ljósmynda prentara með 12 lita bleki og á hágæða ljósmyndapappír.

  • Viðskiptavinur getur óskað eftir afhendingu á myndun í prentgæðum gegn auka gjaldi 15.000 kr. sem leggst ofan á myndatökuverð. Ef prenta á annarstaðar en hjá mér hafið þá í huga að gæði prentunar, gæði pappírs og réttar litastillingar skipta miklu máli fyrir góða prentun á ljósmyndum.

  • Óski viðskiptavinur eftir auka unnum myndum úr myndatöku umfram fjölda mynda sem gefin er upp í verði þá leggst 3.500 kr. á hverja auka mynd, við ræðum tilboðsverð ef fjöldinn er mikill.

  • Ef ég skila fleiri myndum af mér til viðskiptavina en sagt er til um í upphafi er það gjöf mín til þín og ég mun ekki rukka auka verð fyrir það.

  • Myndir úr myndatökunni má birta á eigin samfélagsmiðlum en ég held höfundarréttindum og því má ekki breyta myndunum á neinn hátt fyrir birtingu til dæmis með því að breyta myndvinnslu, setja filter eða klippa til myndir.
    Þá er kærkomið að merkja mig á myndir á instagram @gudrunsifolafs.

  • Þó að ég haldi höfundarréttinum að myndunum þá eru þetta samt þínar persónulegu myndir sem þú hefur keypt af mér og því birti ég ekki myndir á eigin samfélagsmiðlum nema með leyfi viðkomandi en ég áskil mér þann rétt að birta þær á heimasíðunni minni.

  • Ef myndatakan er utan höfuðborgarsvæðisins leggst auka gjald eftir staðsetningu að lágmarki frá 5.000 kr.

  • Ég áskil mér þann rétt að breyta verðskrá fyrirvaralaust en verð breytist ekki ef bókun hefur þegar verið gerð.

  • Ég geymi allar myndir í 1 ár frá myndatökunni en eftir þann tíma verður þeim fargað og einungis unnum myndum haldið eftir.

Haust Tilboð

Barna og/eða fjölskyldu myndataka
+ Ljósmyndabók               79.000 kr.

  • 20-30 myndir

  • 45-60 mín

  • Ljósmyndabók með 20 myndum

  • Myndir afhendast einnig rafrænt í vefgæðum

  • Tilboð að andvirði 95.000 kr.